கூடைக்குள் தேசம் 07

61
தேகம் மறைந்தவுடன்
தேசத்துப் புரிந்து விட்டது
தியாகத்தின் வேர்கள்.

62
அஸ்திவாரமிட்டதும்
அழுகையை நிறுத்திக்கொண்டது
கன்னியின் கர்ப்பப்பை.

63
வண்ண முடுத்து இதவாசனை பூசி
வீட்டு முற்றத்தில் விபச்சாரிகள்
பூக்கள்

64
இடம் பெயர்ந்து விட்டன
நேர்மை நியாயம் மகிழ்வு முதலானவை
புகுந்து விட்டது சந்தேகம்.

65
ஏய்! யாரங்கே ஆற்றில்
பாலைக் கொட்டிவிட்டு ஒலமிடுவது
நீர்வீழ்ச்சி

66
பாசறைப் பிரதேசத்துக்கு
உயிர் வந்து விட்டது-
சிற்பியின் வரவு.

67
சில்லறை விலையில்
சின்னச் சின்ன சவப்பெட்டிகள்
சிகரெட் பாக்கட்டுகள்.

68
வறுமை கொடுமை அடக்குமுறை
மலிந்த பூமியில் கொழுந்து விட்டது
தேயிலை.

69
தோலைச் சுவைத்து
கோலம் போட்டு வளர்ந்து
தேமல்.

70
பலரைக் குத்தி விட்டு
தண்டனையின்று தப்பிக்கொண்டான்
கவிஞன்.

71
கோடி கோடி வார்த்தைகள்
நாவுமில்லை இதழ்களுமில்லை
உன்னிரண்டு கண்கள்!

72
கடை திறக்கப்பட
முதல் பில்லில் போட்டார் வியாபாரி
நியாயமும் இரக்கமும்

73
ஜடத்துக்குக் கூட
நான்கு கால்கள்
நாற்காலி.

74
வாய்திறந்த வயிற்றுப்பசியை
உரித்த ஆடை அடைத்துவிட்டது
இனி சட்டப்பசி வாய்திறக்கும்.

75
எஞ்சிய ஒரு பிடிசோறு
பழங்கீரைக்கறியின் நெடி – பெண்ணே
உன் வாந்தியில் வறுமை மட்டுமா தெரிகிறது?

76
வெற்றியை கொணர்ந்தது
அறிவாறிகள் உயிர்த்தியாகம்
முட்டாள் ராச்சியம்.

கூடைக்குள் தேசம் 06

51.
ஆயிரத்துக்கு முயன்று நூறு
அதிகமாக கிடைத்து விட்டது.
இப்போ இலக்கு இரண்டாயிரம்.

52.
நேற்று எங்களுருக்கு
புதிய அதிகாரி வந்தார்
பழையவரைப் போலவே!

53
கத்தியெடுத்தது காற்று
தீட்டி விட்டவன் சூரியன்
இலையுதிர்காலம்.

54.
பாலில் முகம் பார்த்து
பதற்ற முறும் வானம்
பௌர்ணமியா? அமாவாசையா?

55
வீடென்று நான் சுமந்தது
சவப்பெட்டி தானோ!
நந்தையின் கடலை ஞானம்.

56
எஞ்சியிருந்த ஆற்றையும்
விழுங்கி ஆசையை தீர்த்தது கடல்
சூரிய யுத்த வேளை.

57
கருங்கற்களிலும்
புன்னகைகள்
காக்கையின் எச்சங்கள்

58
கடலில் ஓய்வெடுக்கும்
நதியைப்பார்த்து மூச்சு விடும்-
கரையில் வளைந்தோடும் ரோடு.

59
ஆழ நீர்த் தொட்டிக்குள்
அமிழ்த்தியும் விழித்திடா விழிகள்
உறங்கி விட்ட மீன்கள்!

60
மண்ணை மூடி மறைக்கும்
தேயிலைச் செடிகளின் கீழ்த்தடயங்கள்
உனது பாதச்சுவடுகள்.

கூடைக்குள் தேசம் 05

41
எச்சரிக்கை! மலைகள் மீது
நடமாடிக் கொண்டிருக்கின்றன
எரிமலைகள்.

42
ஆலமரமும் நாணலும்
கதை கேட்டு முறைத்தது
குழந்தையின் முதுகெலும்பு

43
தேயிலைக்காட்டு துயர் மூச்சில்
சரிந்தன மனிதங்கள்
நின்றன மரங்கள்.

44
ஒருடல் தான்-
இலட்சியம் இரண்டாக்கியது
பாதைகள்

45
புதியவன் அழுவாமையால்
பழையவர்கள் அழுகின்றார்கள்
இந்தசிசு – பிரசவவிடுதி.

46
வடிந்த இரத்தம் தான்
எத்துணை சுவை பூனைக்கு
நாக்கில் காயம்.

47
தேடத்தொடங்க திறந்தவன்
காணாமலே போய்விட்டான்
அருமையான புத்தகம்.

48
பிணங்கள் இன்னும்
அழுகவில்லை
பனிச்சிகரத்தில் யுத்தம்.

49
ஏழையின் எத்தனைக்
கனவுகள் கலைந்தன
மூட்டைப்பூச்சிகள்.

50
நிலவுக்காக அழுவதை
நிறுத்திக்கொண்டது லயக்குழந்தை
ரொட்டி முன்னே.

கூடைக்குள் தேசம்

31
படுக்கையறையுடன் வீடு
இனியாருக்கும் பயமில்லை
சவப்பெட்டி.

32
தீயை முத்தமிட்டும்
எரியா பஞ்சுப்பொதிகள்
வெண்முகில்கள்.

33
ம்..கையை எடுங்கள்
எத்தனை கண்கள் பார்க்கின்றன
நட்சத்திரங்கள்.

34.
பெய்யெனச் சொல்லியும் மழை
பெய்யவில்லை- கற்பில்லைத்தான்
காடுகளுக்கு.

35
முதுகில் கனக்கும் அழுக்கை
அளந்து கடந்த தூரத்தை கணக்கிடும்
நதி.

36.
நிலவின் மரணத்தில்
துக்க அனு~;டானம்
அமாவாசை.

37.
பகல் முழுவதும்
நிம்மதியான உறக்கம்
தலையணை.

38.
எண்ணிக் கொள்ளுங்கள்
எத்தனை சீதைகள்?
விட்டில் இராச்சியத்தில்.

39.
மாடியிலிருந்து ஏசிய துரை
தொழிலாளியின் கால்களில் வீழ்ந்தான்
நிழலின் ஒத்திகை.

40.
தீக்கு திசை மந்திரம்
கற்றுக் கொடுத்தது காற்று
காடு எப்போ பஸ்மம்.

கூடைக்குள் தேசம் 05

21
போர்வையை விலக்கி
மெல்லென விழித்தன மலைகள்
பனி மூட்டம்!

22
இரத்தம் வடிய தோலைக்
கிழித்து இப்படியா பார்ப்பது?
விடியல்!

23
அடைப்பட்ட கைதிகளுக்கு
அவ்வப்போது மரணதண்டனை
தீக்குச்சிகள்.

24
ஆழ் கடலுக்குள்ளும் திருடர்கள்
மூடியிருக்குது பெட்டகம்.
முத்துச் சிப்பி.

25
பஸ் விபத்தில் மிஞ்சியது
ஒருயிர் மட்டும் தான்!
புத்தகம்.

26
நேர்த்தியாக தெரிகின்றது
உடைந்த சமுதாய விம்பம்
எழுத்தாளன்.

27
வயிற்றை மிகையாக நிரப்பி
வாந்தி எடுத்தது துப்பாக்கி
சமாதானம் பட்டினி

28
வேலை முடித்தவன் வீடு திறந்தான்
இனி விடியுமட்டும்
பூட்டுக்குள் சாவி.

29
பெண்ணைக் காவல் வைத்துவிட்டு
விடியுமட்டும் குளியலா?
சூரியன்.

30
போதுமான ஆட்களேறியும்
புறப்படவில்லையே புகையிரதம்!
லயன்கள்.

கூடைக்குள் தேசம்-04

16
காற்றுக்குள் தான் எத்தனை
எத்தனை நந்தவன அஸ்திவாரங்கள்
மகரந்தம்.

17
நான் பார்த்து விபத்தானது
முகமெல்லாம் இரத்தம்
நாணம்.

18
எட்ட இருக்கு மட்டும்
இங்கொன்றும் எரியாது
சூரியனே.

19
சேவல் கூவியதும்
திடுக்கிட்டு எழுந்தான்
வோட்டுக்களிடையே உறங்கியவன்.

20
எத்தனை மரணங்களின்
கல்லறைகள்
மருந்து வில்லைகள்.

கூடைக்குள் தேசம்-03

11
மணமகளின் அங்கக்குறை
நிவர்த்தி செய்யப்பட்டு விட்டதே!
தங்கம்.

12
எத்தனை பரம்பரைகளை
நொடிக்குள் அகற்றிவிட்டோம்!
முட்டை.

13
கனத்த இருளுள் கறுத்த
பாடகனின் சங்கீதமா?
விட்டில் சப்தம்.

14
வாசனைப்புகை வண்ணமலர்
போசனை உணவு
கண்மூடிய விக்கிரம்!

15
துயர்களின் பருமனை காண
கண்கள் கிடைத்து விட்டன
எங்கே மலையக மக்கள்?